Hadithi ya Bi. Tittlemouse

Hapo zamani za kale kulikuwa na panya wa msituni, na jina lake alikuwa Mrs. Tittlemouse.
Aliishi kwenye ukingo chini ya ua la mimea.

Nyumba ya kufurahisha sana! Kulikuwa na mapito marefu sana ya mchanga, yakielekea kwenye stoo na vyumba vya njugu na vyumba vya mbegu, yote katikati ya mizizi ya ua.

Kulikuwa na jiko, sebule, pantri, na lada.
Pia, kulikuwa na chumba cha kulala cha Mrs. Tittlemouse, ambapo alilala kwenye kitanda kidogo cha boksi!

Mrs. Tittlemouse alikuwa panya mdogo msafi na mwangalifu kupita kiasi, kila wakati akifagia na kupangusa vumbi kwenye sakafu laini za mchanga.
Wakati mwingine mbudu alipotea njia kwenye mapito.
“Shuh! shuh! miguu midogo michafu!“ alisema Mrs. Tittlemouse, akigongesha kizoleo chake cha taka.

Na siku moja kikongwe mdogo alikimbia huku na huko akiwa amevaa koti jekundu lenye madoadoa.
“Nyumba yako inawaka moto, Mother Ladybird! Ruka uende nyumbani kwa watoto wako!“

Siku nyingine, buibui mkubwa mnene aliingia kujificha mvua.
“Samahani, kwani hapa si kwa Miss Muffet?“
“Nenda zako, wewe buibui mbaya mjeuri! Unaacha mabaki ya utando wa buibui kila mahali kwenye nyumba yangu nzuri safi!“

Alimsukuma buibui nje kupitia dirishani.
Alijishusha chini ya ua kwa kutumia uzi mrefu mwembamba.

Mrs. Tittlemouse aliendelea na njia yake kuelekea kwenye stoo ya mbali, kuchukua kokwa za cheri na mbegu za thistle-down kwa ajili ya chakula cha jioni.
Kwenye mapito yote alinusa, na kuangalia sakafu.
“Ninasikia harufu ya asali; ni maua ya cowslip nje, kwenye ua? Nina uhakika ninaweza kuona alama za miguu midogo michafu.“

Ghafla kwenye kona, alikutana na Babbitty Bumble—
“Zizz, Bizz, Bizzz!“ alisema nyuki.
Mrs. Tittlemouse alimwangalia kwa ukali. Alitamani angekuwa na ufagio.
“Siku njema, Babbitty Bumble; ningefurahi kununua nta kidogo. Lakini unafanya nini huku chini? Kwa nini kila wakati unaingia kupitia dirishani, na kusema Zizz, Bizz, Bizzz?“
Mrs. Tittlemouse alianza kukasirika.

“Zizz, Wizz, Wizzz!“ alijibu Babbitty Bumble kwa sauti ya kukasirisha. Alipita kando kwenye mapito, na kupotea ndani ya stoo ambayo ilikuwa imetumika kwa acorn.
Mrs. Tittlemouse alikuwa amekula acorn hizo kabla ya Krismasi; stoo ilipaswa kuwa tupu.
Lakini ilikuwa imejaa nyasi kavu chafu.

Mrs. Tittlemouse alianza kuvuta zile nyasi kavu nje. Nyuki wengine watatu au wanne walitoa vichwa vyao nje, na kuvuma kwa ukali.
“Sina tabia ya kupangisha vyumba; huu ni uvamizi!“ alisema Mrs. Tittlemouse. “Nitawatoa nje—
Buzz! Buzz! Buzzz!“—“Nashangaa nani angenisaidia?
Bizz, Wizz, Wizzz!“
—“Sitamwita Mr. Jackson; yeye hapangusi miguu yake kamwe.“

Mrs. Tittlemouse aliamua kuwaacha nyuki hadi baada ya chakula cha jioni.
Aliporudi sebuleni, alisikia mtu akikohoa kwa sauti nzito; na hapo alikuwa amekaa Mr. Jackson mwenyewe!
Alikuwa amekalia kiti kidogo cha kutikisa, akizungusha vidole vyake gumba na kutabasamu, huku miguu yake ikiwa kwenye kingo ya jiko.
Aliishi kwenye mtaro chini ya ua, kwenye handaki chafu sana na lenye majimaji.

“Hujambo, Mr. Jackson? Maskini, umeloa sana!“
“Asante, asante, asante, Mrs. Tittlemouse! Nitakaa kidogo na kujikausha,“ alisema Mr. Jackson.
Alikaa na kutabasamu, na maji yalidondoka kutoka kwenye mikia ya koti lake. Mrs. Tittlemouse alizunguka na dekio.

Alikaa kwa muda mrefu kiasi kwamba ilibidi aulizwe kama angependa kupata chakula cha jioni?
Kwanza alimpa kokwa za cheri.
“Asante, asante, Mrs. Tittlemouse! Sina meno, sina meno, sina meno!“ alisema Mr. Jackson.
Alifumbua kinywa chake wazi sana bila sababu ya msingi; hakika hakuwa na jino hata moja kichwani mwake.

Kisha akampa mbegu za thistle-down—“Tiddly, widdly, widdly! Pouff, pouff, puff!“ alisema Mr. Jackson. Alipuliza zile thistle-down chumbani kote.
“Asante, asante, asante, Mrs. Tittlemouse! Sasa kile ambacho kweli—kweli ningependa—ingekuwa sahani ndogo ya asali!“

“Nina hofu sina asali yoyote, Mr. Jackson,“ alisema Mrs. Tittlemouse.
“Tiddly, widdly, widdly, Mrs. Tittlemouse!“ alisema Mr. Jackson akitabasamu, “Ninaweza kuisikia harufu yake; ndiyo maana nimekuja kutembelea.“
Mr. Jackson aliinuka kwa uzito kutoka mezani, na kuanza kuangalia ndani ya makabati.
Mrs. Tittlemouse alimfuata na kitambaa cha vyombo, ili kupangusa alama zake kubwa za miguu yenye majimaji kwenye sakafu ya sebule.

Alipojiridhisha kuwa hakukuwa na asali kwenye makabati, alianza kutembea kwenye mapito.
“Kweli, kweli, utakwama, Mr. Jackson!“
“Tiddly, widdly, widdly, Mrs. Tittlemouse!“

Kwanza alijibananisha kuingia kwenye pantri.
“Tiddly, widdly, widdly? hakuna asali? hakuna asali, Mrs. Tittlemouse?““
Kulikuwa na wadudu watatu wanaotambaa wamejificha kwenye rafu ya sahani. Wawili kati yao walitoroka; lakini yule mdogo zaidi alimkamata.

Kisha alijibananisha kuingia kwenye lada. Miss Butterfly alikuwa akionja sukari; lakini aliruka na kutoka nje ya dirisha.
“Tiddly, widdly, widdly, Mrs. Tittlemouse; unaonekana kuwa na wageni wengi!“
“Na bila mwaliko wowote!“ alisema Mrs. Thomasina Tittlemouse.

Walienda kando ya mapito ya mchanga—
“Tiddly widdly—“
“Buzz! Wizz! Wizz!“
Alikutana na Babbitty kwenye kona, akamdaka, na kumweka chini tena.
“Sipendi nyuki. Wamejaa manyoya magumu,“ alisema Mr. Jackson, akipangusa mdomo wake na mkono wa koti lake.
“Toka nje, wewe chura mzee mbaya!“ alipiga kelele Babbitty Bumble.
“Nitachanganyikiwa!“ alikemea Mrs. Tittlemouse.

Alijifungia ndani ya chumba cha njugu wakati Mr. Jackson akivuta nje kiota cha nyuki. Alionekana kutojali kuumwa.
Wakati Mrs. Tittlemouse alipojaribu kutoka nje—kila mtu alikuwa ameondoka.
Lakini uchafu ulikuwa wa kutisha—
“Sijawahi kuona uchafu kama huu—madoa ya asali; na nyasi kavu, na thistledown—na alama za miguu michafu mikubwa na midogo—kila mahali kwenye nyumba yangu nzuri safi!“

Alikusanya zile nyasi kavu na mabaki ya nta.
Kisha akatoka nje na kuleta vijiti, ili kufunga nusu ya mlango wa mbele.
“Nitaufanya uwe mdogo sana kwa Mr. Jackson!“

Alileta sabuni laini, na kitambaa, na brashi mpya ya kusugulia kutoka kwenye stoo. Lakini alikuwa amechoka sana kufanya chochote zaidi. Kwanza alilala kwenye kiti chake, na kisha akaenda kitandani.
“Je, itawahi kuwa safi tena?“ alisema maskini Mrs. Tittlemouse.

Asubuhi iliyofuata aliamka mapema sana na kuanza usafi mkubwa uliochukua wiki mbili.
Alifagia, na kusugua, na kupangusa vumbi; na alisugua samani kwa nta, na kung'arisha vijiko vyake vidogo vya bati.

Ilipokuwa safi na nadhifu vizuri, alifanya sherehe kwa panya wengine watano wadogo, bila Mr. Jackson.
Alisikia harufu ya sherehe na akapanda ukingo, lakini hakuweza kujibananisha mlangoni.

Kwa hivyo walimpa vikombe vya acorn vilivyojaa honeydew kupitia dirishani, na hakukasirika hata kidogo.
Alikaa nje juani, na kusema—
“Tiddly, widdly, widdly! Afya yako nzuri sana, Mrs. Tittlemouse!“